U Erdahana abvierhli prabačeńni za źbity rasijski samalot

Prezident Turcyi Redžep Taip Erdahan ŭ liście da Pucina vykazaŭ tolki škadavańnie adnosna incydentu sa źbitym rasijskim Su-24.

Pra heta zajaviŭ pres-sakratar prezidenta Turcyi Ibrahim Kałyn, pieradaje Reuters. Pavodle jaho słoŭ, u liście da Pucina Erdahan nie prasiŭ prabačeńnia za źbity tureckimi źniščalnikami samalot.

Jon adznačyŭ, što ŭ pasłańni Erdahana hučyć zaklik da adnaŭleńnia tradycyjnych družalubnych adnosin pamiž Turcyjaj i Rasijaj, da supracoŭnictva pa ŭrehulavańni rehijanalnych kryzisaŭ i da sumiesnaj baraćby z teraryzmam.

Adnak u Kramli śćviardžajuć, što Erdahan paprasiŭ prabačeńnia pierad Pucinym za źbity Su-24 i hatovy zrabić usio mahčymaje dla adnaŭleńnia adnosin pamiž RF i Turcyjaj.

0

0

0

0

0

0