Sud aryštavaŭ hubiernatara Kiraŭskaj vobłaści Mikitu Białych
Basmanny sud Maskvy na dva miesiacy aryštavaŭ hubiernatara Kiraŭskaj vobłaści Mikitu Białych.
tass.ru
Śledstva stavić Białych u vinu atrymańnie chabaru ŭ asabliva bujnym pamiery, jamu pahražaje da 15 hadoŭ pazbaŭleńnia voli. Białych admaŭlaje, što braŭ chabar.
Śledstva chadajničała ab aryšcie palityka, pakolki jon «moža praciahnuć zajmacca złačynnaj dziejnaściu». Akramia taho, na voli Białych moža akazvać cisk na śviedak, źniščyć rečavyja dokazy, ŭstupić u zmovu z pasiarednikam i schavacca, zajaviŭ śledčy.
Białych i jaho abarona prasili ab zastavie ci chatnim aryšcie. «Ja liču siabie nievinavatym. Kab u zakonnym paradku dakazać svaju nievinavataść, chatni aryšt navat zališniaja miera, ja nie źbirajusia pakidać krainu. Ja sapraŭdy chaču dakazać svaju nievinavataści. Ja paśpiachovy čałaviek. Ja chaču success story, Ja chaču dakazać, što nie braŭ chabar».
