Sinoptyki raspaviali, kali śpioka źmienšycca i čakajecca ceły kompleks niespryjalnych źjaŭ nadvorja
U vychodnyja na bolšaj častcy Biełarusi čakajecca +30 … + 34°S.
«Dziakavać» za takoje nadvorje treba antycykłonu Volfhanh, jaki niasie z akvatoryi ŭschodniaha Mižziemnamorja novyja porcyi śpiakotnaha pavietra. Pra heta paviedamiŭ načalnik słužby hidramietearałahičnych prahnozaŭ Respublikanskaha hidramietcentra Dźmitryj Rabaŭ.
Sinoptyki prahnazujuć vychodnyja biez apadkaŭ, tolki ŭ niadzielu dniom na ŭskrainnych paŭdniova-zachodnich rajonach miescami projduć karotkačasovyja daždžy, navalnicy. Tempieratura pavietra składzie: nočču +14 + 20°S, dniom +28 + 34°S.
U Minsku ŭ subotu i niadzielu budzie nievialikaja vobłačnaść, biez apadkaŭ. Viecier paŭdniova-ŭschodni nočču 2-7 m/s, dniom 6-11 m/s. Tempieratura pavietra: nočču +16 + 18°S, dniom +29 + 31°S.
Tempieratura vady ŭ rekach i vadajomach składaje 18—26°S, na Čornym mory +24—25°S.
U paniadziełak z prychodam atmaśfiernaha frontu z Zachodniaj Jeŭropy nadvorje ŭ Biełarusi źmienicca. Čakajecca pastupovaje pasłableńnie śpiakoty i ceły kompleks niespryjalnych źjaŭ nadvorja.
Nočču ŭ zachodnich, a dniom i ŭ centralnych rajonach Biełarusi projduć karotkačasovyja daždžy, miescami navalnicy. Ranicaj i dniom u asobnych rajonach mocnyja daždžy, uzmacnieńnie vietru paryvami da 15-20 m/s, mahčymy hrad.
Tempieratura nočču +16 — +21°S, dniom ad + 21°S pa zachadzie da + 34°S pa paŭdniovym uschodzie Biełarusi.
Z aŭtorka pa čaćvier sinoptyki prahnazujuć miescami karotkačasovyja daždžy, navalnicy, dniom u asobnych rajonach mahčymy hrad. Tempieratura nočču +11 + 17°S, dniom +22 + 29°S.
