Vialikabrytanija prahałasavała za vychad ź ES
Stali viadomyja kančatkovyja vyniki refierendumu ŭ Brytanii: 52% (17 młn 410 tys. 742 čałavieki) prahałasavali za vychad Brytanii ź ES i 48% (16 młn 141 tys. 241) suprać. Pieravaha prychilnikaŭ «breksita» składaje 1 młn. 269 tys. Dla pieramohi treba było nabrać 16,8 młn hałasoŭ.
Jaŭka na refierendumie skłała 72,16%, piša The Guardian
Mnohija praciŭniki «breksita» z abureńniem źviarnuli ŭvahu na toje, što ŭ svajoj pieramožnaj pramovie lidar Partyi niezaležnaści Najdžeł Faradž skazaŭ: «My damahlisia hetaha biez adzinaha strełu».
Sinim koleram paznačana, dzie hałasavali za vychad ź ES, žoŭtym — dzie hałasavali suprać vychadu.
A voś u Šatłandyi i Paŭnočnaj Irłandyi bolšaść akruhaŭ prahałasavali suprać «breksita». Tak ža pastupili vybarščyki ŭ Łondanie.
Na fonie navin ab refierendumie pačaŭ padać kurs funta. Košt brytanskaj nacvaluty ranicaj 24 červienia zvaliŭsia na 9,5% da 1,35 dalara. Heta samaje nizkaje značeńnie z 1985 hoda, adznačaje Bloomberg.
Daily Telegraph: «Z palityčnaj karjeraj Devida Kemierana skončana. Jon uvojdzie ŭ historyju jak premjer-ministr, jaki pastaviŭ na kon miesca Brytanii ŭ Jeŭrapiejskim Sajuzie i svaju ŭłasnuju karjeru — i prajhraŭ».
Pry padliku vynikaŭ refierendumu prymajucca nie vyniki rehijonaŭ, jak pry zvyčajnym hałasavańni ŭ Brytanii, a ahulnaja kolkaść hałasoŭ za ci suprać «breksita».
Usiaho na refierendumie mahli prahałasavać bolš 46,5 miljona čałaviek.
U štabie praciŭnikaŭ vychadu ź ES rychtavalisia da pieramohi, ale ničoha nie atrymałasia.
***
Jeŭra patańnieŭ na 3,1% u adnosinach da dalara, japonskaja jena padaražeła na 5,8% u adnosinach da amierykanskaj valuty.
Fjučarsy na indeks FTSE100 patańnieli na 7,5%, na indeks S & P 500 — upali na 3,2%. Japonski indeks źniziŭsia na 3,2%, hankonhski Hang Seng Index zvaliŭsia na 3%.
Nafta WTI na tarhach u Ńju-Jorku patańnieła na 4,8% — ceny apuścilisia da 47,7 dalara za baral. Syravina marki Brent patańnieła na 4,6% da 48,5 dalara.
Zołata padaražeła na 4%, ceny na mietał nablizilisia da maksimumu sa žniŭnia 2014 hoda.