MPZ prosić hramadzian, jakija zdajuć kvatery, vypłacić padatak za lipień zahadzia
Ministerstva pa padatkach i zborach Biełarusi prosić hramadzian, jakija zdajuć kvatery i inšyja pamiaškańni, apłacić padatak za lipień 2016 hoda zahadzia ŭ suviazi denaminacyjaj, paviedamili ŭ pres-słužbie MPZ.
«U suviazi z praviadzieńniem denaminacyi aficyjnaj hrašovaj adzinki Biełarusi bankam pradastaŭlenaje prava 1 lipienia 2016 hoda nie ažyćciaŭlać raźlikovaje i kasavaje absłuhoŭvańnie klijentaŭ albo prypyniać akazańnie klijentam asobnych vidaŭ pasłuh pa ažyćciaŭleńni bankaŭskich apieracyj. Pry zdačy fizičnaj asobaj u arendu (subarendu), najom (padnajom) žyłych abo niežyłych pamiaškańniaŭ, a taksama mašyna-miescaŭ i vypłacie padachodnaha padatku ź fizičnych asob u fiksavanych sumach štomiesiac apošnim dniom vypłaty takoha padatku za lipień 2016 hoda źjaŭlajecca 1 lipienia. Z ulikam vyšejskazanaha, my prosim zahadzia pakłapacicca ab svoječasovaj vypłacie adzinaha padatku», — padkreślili ŭ ministerstvie.
U pres-słužbie nahadali, što ŭ adpaviednaści z art.52 Padatkovaha kodeksa Biełarusi ŭ vypadku vykanańnia padatkovaha abaviazacielstva ŭ bolš poźnija terminy ŭ paraŭnańni z ustanoŭlenymi zakanadaŭstvam naličvajucca pieni za kožny kalandarny dzień praterminoŭki, uklučajučy dzień vypłaty (spahnańnia), na praciahu ŭsiaho terminu nievykanańnia padatkovaha abaviazacielstva pačynajučy z dnia, jaki idzie za ŭstanoŭlenym padatkovym zakanadaŭstvam dniom apłaty padatku.
