Hiermanija pakazała pratatyp svajoj najnoŭšaj BMP Lynx
Na mižnarodnaj vystavie ŭzbrajeńnia i vajennaj techniki Eurosatory 2016 kancern Rheinmetall prezientavaŭ novuju bajavuju mašynu piachoty Lynx, jakaja stanie asnovaj dla cełaj siamji novych mašyn.
BMP dobra abaronienaja i ciažka ŭzbrojenaja - stabilizavanaj 35-mm aŭtamatyčnaj puškaj, 7,62-mm kulamiotam, kiravanymi supraćtankavymi rakietami. Pry hetym roznaja zbroja moža atakavać adnačasova roznyja celi - kamandzir i navodčyk mohuć vieści ahoń niezaležna adzin ad adnaho.
Modulnaja sistema pabudovy BMP dazvolić na jaje bazie zrabić taksama bronietransparcior, ramontna-evakuacyjnyja, braniravanyja miedycynskija, vyviednyja bajavyja i kamandnyja mašyny.
janes.com
«Lynx — novaje modulnaje siamiejstva mašyn, jakija prapanujuć našym klijentam samyja vysokija standarty tryvałaści, mabilnaści, ahniavoj mocy», — cytuje sajt kampanii Biena Chadsana, kiraŭnika adździaleńnia Rheinmetall Vehicle Systems.
Ekipaž zabiaśpiečany sistemaj ličbavaj suviazi, kampjutaram kiravańnia ahniom, dyspłei dajuć mahčymaść nazirać za situacyjaj na 360 hradusaŭ. Jość łaziernyja sistemy papiaredžańnia ab abstrele i akustyčnaja sistema pošuku varožych snajpieraŭ.
Maksimalnaja chutkaść davoli ciažkaj (u zaležnaści ad varyjanta - da 44t) mašyny - bolš za 70 km/h.