U Słonimie źbirajuć hrošy na pomnik Lvu Sapiehu. Ułady dali dabro na adkryćcio
Na sajcie dziaržaŭnaj haziety «Słonimski vieśnik» źjaviłasia paviedamleńnie pra pačatak anłajn-abmierkavańnia miesca ŭ horadzie, dzie musić źjavicca pomnik vybitnamu dziaržaŭnamu dziejaču VKŁ i Słonimskamu staraście Lvu Sapiehu.
Siarod prapanavanych placovak — skvier na Płoščy Lenina, haradski park, skvier nasuprać Doma handlu, Płošča Sapiehi i «terytoryja la Cientra kultury i adpačynku».
Taksama paviedamlajecca, što kožny achvotny moža spryčynicca da ŭźviadzieńnia pomnika, pieraličyŭšy hrošy na rachunak Miascovaha fondu ekaraźvićcia «Spadčyna Słonimščyny» — «dla zboru, zachoŭvańnia i vydatkoŭvańnia srodkaŭ na budaŭnictva pomnika Lvu Sapiehu».
UNP 590374643
bł. rch. 3135054410186
CBU № 422 AAT «ASB Biełarusbank» u h. Słonimie
vuł. Čarniachoŭskaha, d.3
kod banka 152101689
UNP banka 500054844
Eskiz pomnika vyhladaje tak.
U čas, kali starastam Słonima staŭ Leŭ Sapieha (1586 hod), horad dasiahnuŭ niebyvałaha roskvitu.
Słonimu viarnuli Mahdeburskaje prava, u horadzie pačali pravodzicca Hienieralnyja sojmy VKŁ, adnaŭlajecca spaleny tatarami kaścioł śviatoha Andreja, razbudoŭvajecca zamak i pałac.
Płany ab adkryćci pomnika Sapiehu ahučvalisia jašče ŭ 90-ch, ale dalej słovaŭ tady sprava nie pajšła.
