Łukašenka skazaŭ, što hatovy addavać zarobak na budaŭnictva dziciačaj balnicy ŭ Homieli
Alaksandr Łukašenka daručyŭ na praciahu dvuch hadoŭ zaviaršyć budaŭnictva ŭ Homieli novaj abłasnoj dziciačaj kliničnaj balnicy i abstalavać miedustanovu samym sučasnym abstalavańniem.
Ab hetym kiraŭnik dziaržavy zajaviŭ siońnia, naviedvajučy ŭ Homieli budaŭničuju placoŭku abjekta pa rekanstrukcyi dziciačaj abłasnoj kliničnaj balnicy.
«My damovilisia, što heta budzie samaja sučasnaja balnica. Heta dzieci, i abstalavańnie pavinna być adpaviednym», - padkreśliŭ kiraŭnik dziaržavy.
Asobnyja daručeńni Alaksandr Łukašenka daŭ u dačynieńni da krynic finansavańnia budaŭnictva. Jon adznačyŭ, što ŭdzielničać u hetym pavinny ŭsio: i respublikanski, i abłasny, i haradski biudžety, a taksama miecenaty i biźniesmieny.
«Ja hatovy svoj zarobak addavać. Treba źbirać patrochu, kab heta była ahulnanarodnaja budoŭla, a nie spadziavacca tolki na respublikanski biudžet», — skazaŭ Alaksandr Łukašenka.
Staršynia Homielskaha abłvykankama Uładzimir Dvornik prapanavaŭ, kab nieabchodnaje finansavańnie ŭ abjomie kala Br750 młrd uziali na siabie respublikanski i abłasny biudžety ŭ suadnosinach 50/50. Kiraŭnik dziaržavy padtrymaŭ taki varyjant, paabiacaŭšy zrabić usio nieabchodnaje dla bolš chutkaj realizacyi prajekta.
U ciapierašni čas Homielskaja vobłaść adzinaja ŭ krainie, dzie niama šmatprofilnaj dziciačaj abłasnoj balnicy dla akazańnia śpiecyjalizavanaj miedycynskaj dapamohi. Balnica, jakaja ciapier funkcyjanuje, užo nie adpaviadaje sučasnym patrabavańniam i normam.
