Hiermanija nie źbirajecca pryznavać palihamnyja siemji navat u mihrantaŭ
Hiermanija nie budzie pryznavać palihamiju i šlub ź niepaŭnaletnimi, zajaviŭ ministr justycyi krainy Chiejka Maas.
Tyja, chto pryjazdžaje ŭ Hiermaniju, nie majuć prava stavić svaje kulturnyja kaštoŭnaści ci relihijnyja pohlady vyšej za zakony krainy, zajaviŭ ministr u intervju vydańniu Bild.
«Usie pavinny vykonvać zakon, niezaležna ad taho, vyras čałaviek tut abo tolki pryjechaŭ», — cytuje hazieta ministra.
Heta datyčycca, u pieršuju čarhu, palihamii. U niekatorych musulmanskich krainach dazvolena brać u žonki da čatyroch žančyn. U Hiermanii padobnaje zabaroniena zakonam: adnačasova možna być žanatym tolki z adnoj žančynaj. Toje ž samaje tyčycca hvałtoŭnych šlubaŭ i šlubaŭ ź niepaŭnaletnimi.
Sprečki abvastrylisia paśla prybyćcia ŭ krainu chvali mihrantaŭ, u asnoŭnym z musulmanskich krain.
U adnoj Bavaryi siarod niadaŭna prybyłych u rehijon mihrantaŭ byli zarehistravanyja 550 šlubaŭ, u jakich niavieście było mienš za 18, i 161 šlub, dzie niavieście było mienš za 16 hadoŭ. U bolšaści vypadkaŭ dziaŭčaty byli zamužam jašče da pryjezdu ŭ krainu.