Barysaŭski piedafił abiraŭ sabie achviar kala škoły i zavablivaŭ ich u les
Supracoŭniki adździeła pa narkakantroli i supraćdziejańni handlu ludźmi Barysaŭskaha RUUS zatrymali 51-hadovaha mužčynu pa padazreńni ŭ ździajśnieńni sieryi złačynstvaŭ seksualnaha charaktaru ŭ dačynieńni da małaletnich, paviedamlaje UUS Minabłvykankama.
Havorka idzie pra sieryju złačynstvaŭ, učynienych letam minułaha hoda. U jakaści paciarpiełych vystupajuć dvoje chłopčykaŭ — 2004 i 2005 hadoŭ naradžeńnia. Nie vyklučana, što heta nie adzinyja achviary, infarmacyja praviarajecca.
Jak vyśvietlili pravaachoŭniki, fihurant čakaŭ dziaciej niedaloka ad škoły ŭ Barysavie, a zatym pa roznych pryčynach prapanoŭvaŭ pajści ŭ raźmieščany niepadalok ad vulicy Trusava lasny masiŭ. Kali ŭdavałasia zavieści dzicia ŭ adasoblenaje miesca, pravodziłasia dalejšaja psichałahičnaja apracoŭka. Dla hetaha prapanoŭvalisia cukierki, hrošy. Dla zabieśpiačeńnia maŭčańnia ŭžyvalisia pahrozy, u tym liku z vykarystańniem hazavaha bałončyka i naža.
Pry pieratrusie ŭ zatrymanaha znojdzieny vialiki abjom — kala 6 hihabajt — parnahrafičnych videa i fota z udziełam niepaŭnaletnich. Jość siarod ich i materyjały ŭłasnaha vyrabu. Akramia taho, u zatrymanaha kanfiskavany pnieŭmatyčny pistalet, hazavy bałončyk i nož. U dačynieńni da mužčyny raspačataja kryminalnaja sprava pa č.3 art.167 KK RB, jakaja praduhledžvaje da 15 hadoŭ pazbaŭleńnia voli.
