Syna vice-prezidenta «Łukojła» u Maskvie aryštavali na 15 sutak
Rusłan Šamsuaraŭ
Syna vice-prezidenta kampanii «Łukojł» Rusłana Šamsuarava, jaki razam z pryjacielami zładziŭ honki z palicyjaj na ŭłasnym usiedarožniku Mercedes-Benz Gelandewagen, aryštavali na 15 sutak za niepadparadkavańnie rasparadžeńniu supracoŭnika palicyi (artykuł 19.3 KaAP RF), paviedamlaje lenta.ru.
Ranicaj paviedamlałasia, što Šamsuaraŭ chavaŭsia ad pakarańnia, ale 27 traŭnia byŭ zatrymany ŭ Maskvie. Pieršapačatkova ŭ dačynieńni da Šamsuarava raspačali kryminalnuju spravu pa artykule «Chulihanstva».
Akramia taho na 15 i 10 sutak byli aryštavanyja dva pasažyry Gelandewagen.
Za dzień da hetaha, 26 maja, kiroŭcu Gelandewagen Abduvachoba Madžydava aryštavali na 15 sutak. Jamu prysudzili 200 hadzin abaviazkovych rabot i pazbavili paśviedčańnia kiroŭcy na dva miesiacy.
23 maja syn staršaha vice-prezidenta «Łukojła» Azata Šamsuarava razam z pryjacielami pasprabavaŭ uciačy ad palicyi na svaim usiedarožniku. Mercedes Šamsuarava pieraśledavali šeść ekipažaŭ DPS. Pahoniu maładyja ludzi tranślavali ŭ Periscope.
Kiroŭca Mercedes jechaŭ na vysokaj chutkaści, pierasiakaŭ dvajnuju pałasu i vyjazdžaŭ na piešachodnyja zony. U vyniku aŭtamabil apynuŭsia ŭ skviery. Maładyja ludzi kinuli transpartny srodak i pasprabavali źbiehčy, ale ich zatrymali.
