Padčas skačka ŭ dziaŭčyny na vyšyni skłaŭsia parašut: jana cudam vyžyła
Z traŭmami roznaj stupieni ciažkaści jana dastaŭlena ŭ balnicu.
Vidavočcy čuli, jak kryčała padajučaja dziaŭčyna, a trenier u rupar nastojliva zaklikaŭ jaje: «Hrupavacca!»
22 maja na poli kala Hrodzienskaha aeradroma ŭ dziaŭčyny pa niejkich pryčynach padčas skačka skłaŭsia parašut. Što mienavita pasłužyła abstavinami takoha dramatyčnaha pavarotu, pakul nieviadoma.
— U ciapierašni čas pravodzicca słužbovaje rasśledavańnie. Usia infarmacyja budzie pa jaho zaviaršeńni. Heta byŭ 55 skačok u dziaŭčyny. Nielha skazać, što jana pačatkoviec, — prakamientavaŭ kp.by Kanstancin Caryk, dyrektar aeradroma.
Kalehi dziaŭčyny śćviardžajuć, što žyćciu spartsmienki ničoha nie pahražaje:
— Ja prysutničaŭ pry hetym. Dziaŭčyna žyvaja, nie ŭvodźcie ludziej u paniku! U jaje adkryty pierałom ściahna i lohkaje strasieńnie mozhu, na dadzieny momant jana pavinna być užo praapieravana. Situacyja, ad jakoj nichto nie zastrachavany.