Zrobleny pierakład Telegram na biełaruskuju movu
Što takoje «Telehram»? Heta prahrama dla abmienu paviedamleńniami z akcentami na chutkaść i biaśpieku.
Sierviery z dadzienymi Telegram raskidanyja pa ŭsim śviecie. Kožny ź ich adkazvaje za svoj rehijon i maje ŭłasnuju jurysdykcyju. Mienavita za košt hetaha prahrama tak šustra lotaje.
Jeŭrapiejskich juzieraŭ, da prykładu, absłuhoŭvajuć łondanskija sierviery. Za znosiny azijackich karystalnikaŭ adkazvaje data-centr u Sinhapury, a mieksikanskich — u San-Francyska.
A sam kluč, jaki adkryvaje dostup da asabistaj pierapiski, zachoŭvajecca tolki na pryładzie karystalnika.
Jašče adna aktualnaja na dadzieny momant fiška — mahčymaść huhlić fota nie vychodziačy z prahramy.
Jość mahčymaść redahavać paviedamleńni na praciahu dvuch dzion paśla ich adpraŭki.
Mnostva roznych kanałaŭ papularnych błohieraŭ, palityčnych dziejačaŭ i ŚMI.
U «Telehramie» jość mahčymaść stvarać botaŭ (robataŭ).
Pa zapycie možna znajści dobraje kino (prosta ŭviadzi nieabchodnuju katehoryju), pahulać u šybienicu, palubavacca fotahrafijami National Geographic, pasłuchać muzyku ci zapampavać knihu. Bot z nadvorjemjaki budzie paviedamlać ab nadvorji ŭ zručny dla vas čas.
Jość navat robat jaki budzie zarablać dla vas hrošy.
Tut možna malavać svaje stykiery. Ja zrabiŭ voś takija, z nacyjanalnymi simvałami:
https://telegram.me/addstickers/Symbals_of_Belarus
https://telegram.me/addstickers/Flag_of_Belarus
https://telegram.me/addstickers/Pagonya
I jašče bahata-bahata mahčymaściaŭ, pra jakija prosta niemahčyma apisać adnym postam.
I ŭsio heta na BIEŁARUSKAJ MOVIE.
Mova ŭstaloŭvajecca vielmi prosta. Zapampoŭvajecie fajł z łakalizacyjaj i adsyłajecie jaho sami sabie albo siabru ŭ telehramie.
Fajł možna adasłać i ź vieb-viersii prahramy, što vielmi zručna. Jana aŭtamatyčna sinchranizujecca z mabilnymi pryładami.
Adčyniajecie na svaim mabilniku, ciśnicie na paviedamleńnie, kab zapampavać fajł, naciskajecie na try maleńkija kropki:
U nastupnym akiency ciśnicie «Apply localization file»
Heta ŭsio, vy majecie miesiendžar na rodnaj movie.
