SKR raspačaŭ kryminalnuju spravu ab «hrupach śmierci» UKantakcie
U Sankt-Pieciarburhu raspačataja kryminalnaja sprava ab padbuchtorvańni padletkaŭ da samahubstva praz hrupy ŭ sacyjalnaj sietcy «UKantakcie», paviedamiła pres-słužba Śledčaha kamiteta Rasii.
«HSU SKR pa Sankt-Pieciarburhu praviedzienaja pravierka šerahu publikacyj u mai 2016 hoda ŭ roznych ŚMI źviestak ab zakrytych hrupach va «UKantakcie», padbuchtorvajučych padletkaŭ da samahubstva. Pa vynikach pravierki pryniata rašeńnie ab raspačaćci kryminalnaj spravy pa prykmietach złačynstva, praduhledžanaha č.4 art. 33, art. 110 KK RF (padbuchtorvańnie da daviadzieńnia da samahubstva)», — havorycca ŭ zajavie SKR.
U chodzie rasśledavańnia spravy śledstva źbirajecca pravodzić linhvistyčnyja i kampjutarnyja ekśpiertyzy, a taksama inšyja mierapryjemstvy dla vyśviatleńnia ŭsich abstavinaŭ mahčymaha złačynstva.
