Niamiecki hienierał: Rasija i ID — hałoŭnyja «hibrydnyja» pahrozy
Kamandujučy siłami śpiecyjalnaha pryznačeńnia Hiermanii bryhadny hienierał Dah Knut Ber nazvaŭ dźvie hałoŭnyja pahrozy ŭ kantekście «hibrydnaj» vajny na kanfierencyi MESOC 2016, paviedamiŭ rasijski vajenny błoh bmpd.livejournal.com, źviazany z Centram analizu stratehij i technałohij.
Hienierał Dah Knut Ber i ministr abarony Hiermanii Ursuła fon der Lajen.
Hetyja hałoŭnyja pahrozy — Rasija jak dziaržava i tak zvanaja «Isłamskaja dziaržava» jak niedziaržaŭny subjekt, skazaŭ niamiecki hienierał.
Kanfierencyja MESOC 2016 — vośmy pa čarzie forum kamandujučych siłami śpiecyjalnaha pryznačeńnia krain MESOC 2016 Bližniaha Uschodu, u jakoj udzielničali taksama i pradstaŭniki zachodnich krain, Biełarusi, Ukrainy i RF.
Pavodle mierkavańnia niamieckaha hienierała, «hibrydnaja vajna» nie źjaŭlajecca niečym pryncypova novym. Takaja vajna, to bok sumiaščeńnie niepasrednaha ŭdziełu rehularnych uzbrojenych sił z raźviedvalnymi, dyviersijnymi i śpiecyjalnymi dziejańniami, psichałahičnymi apieracyjami, infarmacyjna-prapahandysckim i palityčna-ekanamičnym uździejańniem - usie heta mieła miesca i raniej, adnak u sučasnaści apieracyi RF suprać Ukrainy prademanstravali novy ŭzrovień kaardynacyi i płanavańnia takich dziejańniaŭ.