Finlandyja robić bolš žorstkim mihracyjnaje zakanadaŭstva
Mihracyjnaja słužba Finlandyi pryniała rašeńnie zrabić bolš žorstkim pałažeńni zakanadaŭstva, jakija rehulujuć vydaču dazvołu na žycharstva ŭ krainie mihrantam.
U pryvatnaści, Afhanistan, Irak i Samali pryznanyja biaśpiečnymi krainami, adpaviedna, ludzi, jakija pryjechali adtul u Finlandyju, praktyčna nie buduć mieć šancaŭ atrymać prytułak.
Raniej biaśpiečnymi ličylisia tolki niekatoryja z rajonaŭ u hetych krainach.
Akramia taho, mihrantam budzie dazvolena zastacca tolki tady, kali jany zmohuć dakazać, što ŭ rodnaj krainie isnavała niepasrednaja pahroza ich žyćciu. Na razhladzie imihracyjnaj słužby Finlandyi ciapier znachodzicca kala 20 tysiač prašeńniaŭ ab prytułku.
U 2014 hodzie ŭ Finlandyju pryjechali 3600 mihrantaŭ, pa vynikach ža minułaha hoda ich kolkaść pieravysiła 32 tysiačy.
