Minski delfinaryj začynieny na dvuchtydniovuju rekanstrukcyju
Minski haradski delfinaryj «Nema» začynieny na dvuchtydniovuju rekanstrukcyju, paviedamili va ŭstanovie.
nemominsk.com
«Delfinaryj začynieny na płanavuju rekanstrukcyju. U pryvatnaści, treba adramantavać basiejn. Raboty nie zojmuć šmat času. Čakajecca, što naviedvalnikaŭ delfinaryj prymie ŭ pieršych čysłach červienia», — infarmavali ŭ administracyi «Nema».
Minski haradski delfinaryj «Nema» adkryŭsia ŭ 2011 hodzie. Siarod asnoŭnych zadač abjekta, raźličanaha na 700 naviedvalnikaŭ, — papularyzacyja viedaŭ ab marskich mlekakormiačych, prapahanda pryrodaachoŭnych idej, raźvićcio ekałahičnaj kultury siarod nasielnictva.
U Minskim delfinaryi žyvuć paŭnočnyja marskija kociki Jalinka i Aleks, a taksama cichaakijanskija delfiny Hierkules, Vita, Chjuha i marskoje lviania Nikałas.
Dziejnaść delfinaryja nosić ekołaha-adukacyjny charaktar. Na šou raspaviadajecca pra fizijałohiju i charaktary delfinaŭ, asablivaści ich pavodzin, a taksama pra nieabchodnaść bieražlivaha staŭleńnia da delfinaŭ. Dzieci ź dziciačych damoŭ, dzieci-siroty, dzieci-invalidy mohuć kalektyŭna naviedvać delfinaryj biaspłatna.
