Jarmošyna raskazała, jak iznoŭ źjeździła na adpačynak u Jeŭropu

17 maja CVK sabrałasia na arhanizacyjnuju naradu z nahody parłamienckich vybaraŭ, jakija projduć u vieraśni. Paśla schodu kiraŭnik CVK Lidzija Jarmošyna pahutaryła z žurnalistami.

— Vy da vybaraŭ jašče pajedziecie ŭ adpačynak? — pacikavilisia ŭ jaje.

— Da vybaraŭ nie. Ja tolki z adpačynku. Była tam piać dzion, jeździła ŭ Prahu i navat paśpieła ŭ Drezden, — adkazała Lidzija Michajłaŭna.

Nahadajem, kiraŭnik CVK 11 hadoŭ była nieŭjaznoj u ES. Paśla prezidenckich vybaraŭ sankcyi ŭ dačynieńni da jaje častkova byli źniatyja. Jana atrymała šenhienskuju vizu da kanca lutaha, pa jakoj źjeździła ŭ Rym, a potym u Paryž. U Čechiju i Niamieččynu Lidzija Michajłaŭna adpraviłasia ŭžo pa novaj šenhienskaj vizie.

kp.by

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0