Kijeŭ razarvaŭ pabracimskija stasunki z Maskvoj
Ułady Kijeva apaviaścili ŭrad Maskvy ab razryvie pabracimskich stasunkaŭ pamiž dźviuma stalicami.
Pra heta paviedamiŭ na svajoj staroncy ŭ Facebook sakratar Kijeŭskaha haradskoha savieta Uładzimir Prakopiŭ.
«Choć niešta dobraje za dzień. Nikoli nie dumaŭ, što kali-niebudź pryjdziecca padpisvać takija listy», — napisaŭ jon.
Prakopiŭ taksama apublikavaŭ na svajoj staroncy adpaviedny dakumient, zhodna ź jakim, u adpaviednaści z rašeńniem Kijeŭskaj rady ad 11 lutaha, ukrainskaja stalica razryvaje ŭ adnabakovym paradku ŭsie raniej padpisanyja damovy ab pabracimstvie, partniorstvie i supracoŭnictvie z Maskvoj.
Adznačajecca, što hetaje rašeńnie Kijeŭskaj rady było pryniata «ŭ suviazi z vajennaj ahresijaj Rasijskaj Fiederacyi suprać Ukrainy, anieksijaj AR Krym i akupacyjaj častcy terytoryi Danieckaj i Łuhanskaj abłaściej».
