Rasija prapanuje Tajłandu vajennuju techniku ŭ abmien na ježu
Pa słovach premjer-ministra Tajłanda Prajuta Čan-Oča, Maskva abmiarkoŭvała pastaŭki svajoj vajennaj techniki paŭdniovaazijackaj krainie ŭ abmien na pastaŭki charčovych praduktaŭ u RF.
«Było b dobra, kab my mahli kuplać u Rasii techniku ŭ abmien na rasijskija zakupki ŭ nas sielskahaspadarčaj pradukcyi i praduktaŭ charčavańnia na adpaviednyja sumy. Kali vy budziecie kuplać u nas pradukty, u nas budzie dastatkova srodkaŭ, kab kuplać u vas techniku», — skazaŭ premjer.
Hetaja tema abmiarkoŭvałasia na sustrečy z premjeram RF Dźmitryjam Miedviedzievym u krasaviku, piša lenta.ru.
Ciapier handlovy abarot pamiž RF i Tajłandam składaje $5 młrd u hod.
RF zabaraniła pastaŭki charčavańnia ź JEZ, ZŠA i inšych krain, jakija ŭviali sankcyi suprać Maskvy z-za jaje ahresii suprać Ukrainy. U rasijskich ŚMI aficyjnyja asoby i prapahandysty padavali «charčovyja sankcyi» jak sposab padtrymki ŭłasnaj sielskaj haspadarki.
