Jak zakachać u siabie i zakachacca samomu
Viasnoj abudžajucca našy samyja ščyryja žadańni — vyśviatlajem, jakija vysnovy pra kachańnie robiać sučasnyja psichołahi, i dzielimsia z tymi, chto hatovy da ŭsiaho.
1. U aŭtarytetnym amierykanskim psichałahičnym časopisie Journal of Personality and Social Psychology było apublikavanaje navukovaje daśledavańnie Donalda Datana. Zhodna ź im ludzi, ź jakimi zdaryłasia niešta, što prymusiła ich tryvožycca, z bolšaj imaviernaściu zakachajucca adno ŭ adnaho. Adčuvańnie tryvohi pavialičvaje nie tolki našu zdolnaść zakachacca, ale i našu pryvabnaść. Pryčym heta nieabaviazkova pavinna być traŭmatyčnaja padzieja. Całkam možna abyścisia prosta ekstremalnym sportam. Tak što, kali vy adčuvajecie, što treba paklikać na kavu kahości, z kim vy tolki što skakali z parašutam, heta nie prosta tak. Abaviazkova pakličcie.
2. Darečy pra kavu. Prafiesar Jelskaha univiersiteta Džon Bar pravioŭ ekśpierymient i vyśvietliŭ, što kali čałaviek čuje «ciopłyja» słovy, naprykład «dobry», «miły», «miakki», jon pačynaje adčuvać ciopłaje pačućcio da taho, chto hetyja słovy pramaŭlaje.
Toj ža efiekt spracoŭvaje, kali vy častujecie kaho-niebudź ciopłymi napojami. Čałaviek, jakomu vy nalili kubak kavy, aŭtamatyčna pačynaje adčuvać da vas simpatyju.
Cikava, što chałodny sok ź lodam navat u samaje haračaje nadvorje choć i budzie pryniaty z padziakaj, ale nie pavialičyć imaviernaści taho, što vy zakachajeciesia. Čamuści mietad pracuje tolki ź ciopłymi napojami.
3. Prafiesar Hiejn Hanzaha śćviardžaje, što ludzi zdolnyja zakachacca tolki ŭ tych, chto da ich čymści padobny. Tak što, kali vy chočacie, kab vas niechta palubiŭ, pasprabujcie nie tolki zachapicca jaho (jaje) chobi i lubimymi sieryjałami, ale jašče i znajdzicie sposab stać padobnym da pradmietu svajho zapału vonkava.
Možna, viadoma, pafarbavać vałasy ŭ toj ža koler abo zrabić padobnuju tatuiroŭku, adnak, kali heta dla vas zanadta radykalna, jość sposaby i praściej.
Naprykład, možna pasprabavać nasić vopratku tych ža adcieńniaŭ. Akazvajecca, mietad pravierany navukova i pracuje.
4. A voś prafiesar psichałohii Teador Ńjukamb i nie viedaje, što svaim navukovym daśledavańniem dakazaŭ prykazku «kab dva razy nie ŭstavać».
Čym bližej fizična my znachodzimsia ad tych, chto pavinien u nas zakachacca, tym bolš imaviernaść taho, što heta adbudziecca. I čym čaściej my bačym čałavieka, tym imavierniej, što my ŭ jaho zakachajemsia.
Praŭda, sami ekśpierymienty prafiesara Ńjukamba trochi sumnieŭnyja. Navukoviec zrabiŭ hetuju vysnovu, praanalizavaŭšy historyju zakachanaściaŭ studentaŭ, jakija žyvuć u adnym internacie, i vyśvietliŭ, što čym bližej adzin da adnaho znachodziacca pakoi, tym macniej i čaściej kachajuć adno adnaho ich nasielniki.
5. A heta daśledavańnie mnohim z vas zaraz rastłumačyć usio vaša žyćcio. Psichołah Robiert Kisner pryjšoŭ da vysnovy, što kachańnie ź pieršaha pohladu — heta naohuł hłupstva.
Pa-sapraŭdnamu zakachacca vy možacie tolki ŭ čałavieka, jaki pry pieršaj sustrečy vam nie spadabaŭsia naohuł.
Praviła pracuje i naadvarot. Chočacie, kab vas pakachali — nie sprabujcie spadabacca na pieršaj sustrečy. Hety dziŭny miechanizm možna rastłumačyć tym, što ludzi staviacca mienš praduziata da tych, chto im padabajecca, i asabliva da tych, chto im abyjakavy. A heta značyć, što pra takich ludziej my dumajem mienš.
Voś kali nam chtości nie spadabaŭsia, my tut ža ŭklučajem krytyčnaje myśleńnie, pačynajem analizavać — i ŭ vyniku našmat bolš dumajem pra hetaha čałavieka.
Što, u svaju čarhu, moža pryvieści da taho, što my ŭ jaho — tak, zakachajemsia.
6. Francuzski navukoviec Nikala Hahien navukova dakazaŭ toje, što vy i tak viedali jašče z časoŭ studenckich pachodaŭ u les: kali čałaviek umieje hrać na muzyčnym instrumiencie, heta robić jaho bolš seksualna pryvabnym.
Cikava, što nijakich karelacyj z połam navukoviec nie vyjaviŭ.
Žančyna, jakaja hraje na hitary, aŭtamatyčna stanovicca bolš žadanaj, čym jaje siabroŭka, jakaja siadzić pobač (navat kali siabroŭka bolš simpatyčnaja).
Pra mužčyn z hitarami my i biez navukoŭca ŭsio daŭno viedajem. Tak što chočacie, kab vas pakachali — vučyciesia muzycy. A zaadno budźcie aściarožnyja z tymi, chto ŭžo navučyŭsia: nie zaŭvažycie, jak zakachajeciesia.
