U Vaŭkavysku z pjanstvam za rulom budzie zmahacca… chleb FOTA
U Vaŭkavysku Hrodzienskaj vobłaści na bochanach chleba raźmiaścili zaklik nie pić za rulom, paviedamlaje aficyjny sajt Vaŭkavyskaha RAUS.
Miascovy chlebazavod vypuściŭ partyju chleba sa stykieram «DAI papiaredžvaje: pjanym za rulom nie miesca!». Akcyju padtrymała pravasłaŭnaja carkva. Hanarovy nastajaciel Śviata-Błahavieščanskaha chrama protaijerej Uładzimir Kiškun aśviaciŭ vypuščanuju pradukcyju.
Na chlebazavodzie adznačyli, što pieršaja partyja chleba z antyałkaholnym stykieram skłała 18 tysiač. U budučyni zaklik buduć drukavać na ŭpakoŭcy na pastajannaj asnovie.
Inicyjatar akcyi, načalnik ADAI Vaŭkavyskaha RAUS Jaŭhien Leanovič, paviedamiŭ: «Nie vypadkova pradmietam akcyi abrany mienavita chleb. Chleb — pradukt, jaki kuplajuć usie, niezaležna ad sacyjalnaha statusu i ŭzroŭniu dastatku. Chleb na stale ŭ kožnaha, chleb, jak havorycca, usiamu hałava. My spadziajomsia, što ź jaho dapamohaj nam udasca zavastryć uvahu ludziej na prablemie pjanstva za rulom i zaklikać kiroŭcaŭ da razumnych pavodzinaŭ».