Bujny štraf płacić kampanija sa Smarhoni za zabrudžvańnie Vilii
Amal 104 miljony rubloŭ vypłacić kampanija «Kronaspan» (Smarhoń, Hrodzienskaja vobłaść) za zabrudžvańnie vod raki Vilija.
Fota sajta APB.
Na viasiołkavuju plonku na pavierchni vady Vilii kala adnaho z vypusknych kalektaraŭ, a taksama na ŭstojlivy chimičny pach łakafarbavych vyrabaŭ źviarnuli ŭvahu aktyvisty hramadskaha ab`iadnańnia «Achova ptušak Baćkaŭščyny» (APB). Jany zrabili zapyt u Hrodzienski abłasny kamitet pryrodnych resursaŭ i achovy navakolnaha asiarodździa, i pravierka paćvierdziła zabrudžvańnie raki ściokavymi vodami, paviedamlaje pres-słužba APB.
Analiz prob ściokavych vod, zrobleny Smarhonskaj mižrajonnaj łabaratoryjaj analityčnaha kantrolu, pakazaŭ pieravyšeńnia miežava dapuščalnych kancentracyj chimičnych rečyvaŭ. Pieršapačatkova pad padazreńni trapiŭ Smarhonski ahrehatny zavod, i miascovaja inśpiekcyja pryrodnych resursaŭ i achovy navakolnaha asiarodździa raspačała pazapłanavuju pravierku pradpryjemstva. Nieŭzabavie znajšoŭsia sapraŭdny vinavaty taho, što adbyvajecca, — ZTAA «Kronaspan», jakoje vyrablaje draŭnianyja plity.
Ustanoŭlena, što kampanija niezakonna dałučyła svaju liŭnievuju kanalizacyju ŭ sistemu liŭnievaj kanalizacyi ahrehatnaha zavoda. Heta paćvierdziłasia padčas pazapłanavaj pravierki «Kronaspana».
Vinavatyja pryciahnutyja da adkaznaści, častku pakarańnia im užo abviaścili. «Pakul składzieny administracyjny pratakoł na 103,9 miljona rubloŭ — heta pakarańnie za zabrudžvańnie vodnaha ab`iekta ściokavymi vodami. Zaraz pravodzicca raźlik škody, naniesienaj navakolnamu asiarodździu. Dumaju, hetaja suma pieravysić administracyjnaje pakarańnie ŭ niekalki razoŭ», — paviedamiŭ śpiecyjalist APB pa pryrodaachoŭnych pytańniach Cimafiej Pika.
Aktyvisty APB zaklikajuć hramadzian, jakija zaŭvažyli vierahodnaje zabrudžvańnie vadajomaŭ, apieratyŭna infarmavać pra heta miascovyja inśpiekcyi Minpryrody i pa mahčymaści fiksavać toje, što adbyvajecca, na fota i videa.
