«Kali vy taki razumny, to čamu ŭsio jašče błohier?» Fiejeryčnaja pierapiska Antona Matolki z Pamiežnym kamitetam
Fatohraf i błohier Anton Matolka ŭ svaim Žyvym Žurnale apisaŭ situacyju, u jakoj akazaŭsia hramadzianin Hiermanii pry vyjeździe ź Biełarusi.
Paskala (tak zavuć niemca) vysadzili ź ciahnika na biełaruska-litoŭskaj miažy. Situacyja ŭskładniałasia tym, što zamiežnik nie viedaje ni ruskaj, ni biełaruskaj, a supracoŭniki Pamiežnaha kamiteta nie mahli ničoha rastłumačyć chłopcu na anhlijskaj.
Znajomaja Paskala zmahła dazvanicca na miažu, kali jaho pratrymali tam bolš za 4 hadziny. Joj patłumačyli, što niemiec nie zarehistravaŭsia, kali pryjechaŭ u Biełaruś, tamu na jaho składajecca pratakoł.
«Nie ŭpeŭnieny, što paśla hetaha jamu jašče raz zachočacca pryjechać u Biełaruś», — piša siabroŭka niemca Lija Kałomiencava.
Anton Matolka ŭ tvitary źviarnuŭsia da pradstaŭnika Pamiežnaha kamiteta, kab jon prakamientavaŭ incydent.
«Nie varta chvalavacca, znojduć jamu pierakładčyka i vyzvalać. Kali hramadzianin parušyŭ praviły znachodžańnia, to aštrafujuć, i ŭsio», — napisaŭ aficyjny tvitar Pamiežnaha kamiteta.
Dalej – bolej. «Usio vakoł sarcir, a vy cipa dezik?» – napisali Matolku ad imia Pamiežnaha kamiteta. Praź niejki čas pryjšło tłumačeńnie. «Pryčym «dezik» – heta nie dezadarant, a maleńki raspaŭsiudnik dezinfarmacyi ŭ necie», — adkazali Matolku.
Nu i vyrašalnym udaram pa Antonu Matolku byŭ nastupny tvit ad imia Pamiežnaha kamiteta: «Kali vy taki razumny, to čamu ŭsio jašče błohier? Ci vas nie zaŭvažajuć na asnoŭnym miescy pracy?»
Na vaš pohlad, ci mohuć sacyjalnyja sietki dziaržaŭnych orhanaŭ vieści ŭ padobnaj maniery?
