Jeŭrakamisija prapanavała źmianić praviły pryjomu mihrantaŭ
Jeŭrapiejskaja kamisija prapanavała źmianić praviły pryjomu mihrantaŭ u ES, prapanavaŭšy zrabić bolš žorstkim finansavyja sankcyi ŭ dačynieńni da krain, jakija nie vykonvajuć svaje abaviazacielstvy pa pryjomie mihrantaŭ.
Płanujecca ŭstanavić štraf u pamiery 250 tysiač jeŭra za čałavieka.
Hetyja hrošy mahli b być vykarystanyja dla patreb tych krain ES, jakija znachodziacca ŭ składanaj finansava-ekanamičnaj situacyi, ličyć Jeŭrakamisija.
Novaŭviadzieńnie zapatrabuje ŭchvaleńnia bolšaściu krain-siabroŭ ES i bolšaściu deputataŭ Jeŭraparłamienta.
Dziejučyja ciapier zakanadaŭčyja normy buduć zachavanyja, u pryvatnaści, patrabavańnie da mihrantaŭ prasić ab prytułku u toj krainie, u jakuju jany prybyli.
U Jeŭrasajuzie spadziajucca, što novyja miery pamienšać napružanaść pa mihracyjnym pytańni ŭ krainach-siabrach sajuza.
