Štohadovaje «sychodžańnie Dabradajnaha ahniu» ŭ Jerusalimie mnohija ličać šarłatanstvam VIDEA
U Jerusalimie napiaredadni Vialikadnia štohod «sychodzić» Dabradajny ahoń. Dabradajnym jaho nazyvajuć, bo, jak ličycca, jon źjaŭlajecca ź ničoha.
Ahoń sychodzić u Kuvuklii ŭ chramie Truny Haspodniaj u Vialikuju subotu.
Kuvuklija — kaplica na miescy Truny Haspodniaj. (Pavodle padańnia, Isusa Chrysta pachavali ŭ piačory, pierš čym jon uvaskros ź miortvych.)
Mienavita tut, jak paviedamlajecca, paśla napružanych malitvaŭ patryjarcha Ijerusalimskaha Fieafiła, Dabradajny ahoń syšoŭ napiaredadni pravasłaŭnaha Vialikadnia.
Jaho čakańnie zaŭsiody źviazana z trymcieńniem i pieražyvańniami viernikaŭ. Samaŭzhareły ahoń vynosiać ź piačory i pieradajuć viernikam. Tyja ad jaho zapalvajuć svaje tradycyjnyja źviazki z 33 śviečak.
Dla viernikaŭ važna, što ahoń mienavita «sychodzić», biarecca ź ničoha, a nie zapalvajecca. Kab zaśviedčyć heta, usie dziejańni patryjarcha sabrany ŭ składanuju cyrymoniju. Dźviery Kuvuklii apiačatvajuć vialikaj vaskovaj piačatkaj.
Tym nie mienš mnohija dziejačy carkvy krytykujuć hetaje vieravańnie. Na ich dumku, u Jerusalimie štohod adbyvajecca šarłatanstva na najvyšejšym uzroŭni. Nasamreč ahoń zapalvaje sam patryjarch.
Krytyki kultu «Dabradajnaha ahniu» asudžajuć Jerusalimskuju carkvu, što idzie na taki padman dziela tannaha pryciahnieńnia ŭ svaju vieru.
