Hiermanija zapuskaje płan pa pavieličeńni kolkaści elektramabilaŭ
Urad Hiermanii abviaściłŭ ab zapusku prahramy koštam u 1 młrd jeŭra, jakaja praduhledžvaje dziesiacirazovaje pavieličeńnie kolkaści elektramabilaŭ na darohach krainy ŭ bližejšyja čatyry hady.
Zhodna z płanam, realizacyja jakoha pačniecca ŭ mai, kožny pakupnik elektrakara budzie atrymlivać subsidyju ŭ pamiery 4 tysiač jeŭra. Tyja, chto nabudzie hibrydnyja aŭtamabili, atrymajuć pa 3 tysiačy jeŭra.
Subsidyi buduć vypłačanyja ŭ roŭnych dolach za košt dziaržavy i za košt nacyjanalnaj aŭtamabilnaj pramysłovaści.
Płan byŭ uchvaleny padčas sustrečy ministraŭ urada Hiermanii i pradstaŭnikoŭ aŭtakancernaŭ Volkswagen, Daimler i BMW.
Metaj prahramy źjaŭlajecca pavieličeńnie kolkaści elektramabilaŭ na darohach Hiermanii ź ciapierašnich 50 tysiač da paŭmiljona da 2020 hoda. Raniej ułady płanavali davieści lik elektrakaraŭ da adnaho miljona.
Kala 300 młn jeŭra budzie vydatkavana na źmianieńnie infrastruktury, pryznačanaj dla zaradki i absłuhoŭvańnia elektramabilaŭ.
