Jeŭrasajuz zaklikaje Turcyju adkryć miažu biežancam z Alepa
Jeŭrasajuz zaklikaje Turcyju adkryć miažu siryjskim biežancam z Alepa. «Pa-raniejšamu zachoŭvaje dziejańnie ženieŭskaja kanviencyja, jakaja abaviazvaje prymać biežancaŭ», — zajaviŭ jeŭrakamisar pa pytańniach pašyreńnia i palityki dobrasusiedstva Jochanes Chan u subotu, 6 lutaha, na sustrečy ŭ Amsterdamie, u jakoj uziali ŭdzieł kiraŭniki MZS krain ES i dziaržaŭ-kandydataŭ na ŭstupleńnie ŭ ES, u tym liku Turcyja.
«Isnuje surjoznaja imaviernaść taho, što da nas adpravicca vialiki patok biežancaŭ», — papiaredziŭ, u svaju čarhu, ministr zamiežnych spraŭ Luksiemburha Žan Asielborn. Pavodle jaho słoŭ, pryčynaj novaha kryzisu staŭ nastup uradavaj armii ŭ rajonie Alepa, što adbyvajecca pry padtrymcy Rasii. U hetaj suviazi Asielborn zaklikaŭ ZŠA paskoryć pieramovy z Rasijaj pa pošuku palityčnaha vyrašeńnia siryjskaha kanfliktu. Na Miunchienskaj kanfierencyi pa biaśpiecy, jakaja adkryjecca 12 lutaha, nieabchodna «sapraŭdy spynić toje, što pavinna być spyniena», — ličyć Asielborn.
Napiaredadni pradstaŭnik kaardynacyjnaha biuro AAN pa humanitarnych pytańniach Linda Tom paviedamiła, što na miažu z Turcyjaj, ratujučysia ad nastupu uradavaj armii ŭ rajonie horada Alepa, źbiehli kala 30 tysiač siryjcaŭ. Dniom raniej premjer-ministr Turcyi Achmiet Davutahłu zajaviŭ, što bai vakoł Alepa vymusili 10 tysiač čałaviek biehčy da tureckaj miažy, jašče 70 tysiač uciekačoŭ znachodziacca na šlachu tudy. Davutahłu zapeŭniŭ, što Turcyja puścić biežancaŭ na svaju terytoryju.
