Ferrari 1957 hoda pradadzieny z aŭkcyjonu ŭ Paryžy za $31,4 młn
Ferrari 335S Spider Scaglietti 1957 hoda vypusku pradadzieny z aŭkcyjonu ŭ Paryžy amal za $31,4 młn, paviedamlajuć infarmahienctvy.
artcurial.com
Sportkar, pavodle prahnozaŭ ekśpiertaŭ, abiacaŭ stać samym darahim z pradadzienych za ŭvieś čas retramabilaŭ. Adnak cana na jaho nie abyšła pastaŭleny raniej rekord: Ferrari 250 GTO Berlinetta byŭ pradadzieny ŭ 2014 hodzie za $38,1 młn.
Madel Ferrari 335S Spider Scaglietti vypuskaŭ italjanski aŭtakancern z 1957 pa 1958 hod. Pradadzieny sportkar udzielničaŭ u papularnych honkach na ciahavitaść «Mile Milja», «24 hadziny Le-Mana» i «12 hadzin Siebrynha». Za jaho rulom vystupali znakamityja honščyki svajho času, u pryvatnaści pieršy brytanski čempijon «Formuły-1» Džon Majkł Chotarn, Ścirlinh Mos, Piter Kolinz i inšyja.
Paśla taho jak sportkar pierastaŭ udzielničać u honkach, jaho kupiŭ architektar ź Piensilvanii. U 1970-m mašynu nabyŭ francuzski kalekcyjanier Pjer Bardzinon. Bardzinon pamior u 2012 hodzie, ale aŭto było pradadziena ad jaho imia.
