Bachrejn abviaściŭ pra hatoŭnaść nakiravać vojski ŭ Siryju

Śledam za Saudaŭskaj Aravijaj susiedni ź joj Bachrejn abviaściŭ pra hatoŭnaść uvieści vojski ŭ Siryju ŭ ramkach naziemnaj apieracyi z metaj baraćby suprać «Isłamskaj dziaržavy», pieradaje Reuters.

Bachrejnski ambasadar u Vialikabrytanii Šejch Favaz bin Machamied al-Chalifa zajaviŭ, što Bachrejn moh by ŭvieści vojski «sumiesna z saudaŭcami» ŭ ramkach mižnarodnaj antyterarystyčnaj kaalicyi.

Pavodle jaho słoŭ, uvieści vojski hatovaja jašče adna dziaržava Piersidskaha zaliva — Abjadnanyja Arabskija Emiraty.

Pavodle słoŭ pasła, saudaŭskaja inicyjatyva ŭ Siryi pavinna być nakiravanaja na baraćbu jak suprać ID, tak i suprać «biesčałaviečnaha režymu Asada».

0

0

0

0

0

0