Pieravažnaja bolšaść zapazyčanaściaŭ za kamunałku — u finansava zabiaśpiečanych minčukoŭ
Kala 85% daŭžnikoŭ za kamunałku ŭ Minsku źjaŭlajucca finansava zabiaśpiečanymi ludźmi. Pra heta paviedamiŭ na vyjaznym sieminary na temu «Žyllova-kamunalnaja haspadarka jak adzin z asnoŭnych napramkaŭ raźvićcia Minska» pieršy namieśnik staršyni Minharvykankama Uładzimir Kucharaŭ.
«Zapazyčanaść za žyllova-kamunalnyja pasłuhi da troch miesiacaŭ, jak pakazaŭ analiz, u asnoŭnym majuć finansava zabiaśpiečanyja ludzi. Heta śviedčyć pra ich chałatnaje staŭleńnie da hetaha pytańnia. My dva razy ŭnosili prapanovu va ŭrad ab pavieličeńni pieni za praterminoŭku płaciažoŭ za kamunalnyja pasłuhi ŭ 10 razoŭ. Ale hetu ideju pakul nie padtrymali», — skazaŭ Uładzimir Kucharaŭ.
Na 1 studzienia zapazyčanaść za žyllova-kamunalnyja pasłuhi ŭ stalicy skłała 11 młrd 291 młn rubloŭ.
