Cukierbierh choča pavialičyć aŭdytoryju Facebook da 5 młrd čałaviek
Zasnavalnik Facebook Mark Cukierbierh da 2030 hoda płanuje pavialičyć aŭdytoryju sacsietki da 5 miljardaŭ čałaviek.
Pra heta jon zajaviŭ padčas mierapryjemstva, pryśviečanaha 12-hodździu kampanii, paviedamlaje USA Today.
Reuters
«My chočam kančatkova padklučyć usich i zrobim heta pry dapamozie uładaŭ i kampanij pa ŭsim śviecie», — padkreśliŭ Cukierbierh.
Kiraŭnik Facebook taksama adznačyŭ, što nasielnictvu krain, jakija raźvivajucca, dostup da internetu zabiaśpiečać drony Aquila, jakija raspracoŭvajucca kampanijaj. «Jany pracujuć na soniečnaj enierhii, buduć prosta lotać nad haradami i razdavać internet. Hučyć krychu nienarmalna, praŭda?» — paśmiajaŭsia jon.
U čaćvier, 4 lutaha sacyjalnaja sietka adznačyła svajo 12-hodździe. U hety dzień Facebook zapuściŭ novuju funkcyju «Dzień siabroŭ», jakaja aŭtamatyčna stvaraje piersanifikavanyja videapadborki pra siabroŭ karystalnika. Klip aŭtamatyčna mantujecca z fatahrafij ź siabrami, ale zdymki taksama možna adabrać uručnuju.
