Pucin nazvaŭ patryjatyzm nacyjanalnaj idejaj
Patryjatyzm źjaŭlajecca adzinaj nacyjanalnaj idejaj u Rasii, ličyć prezident krainy Uładzimir Pucin.
Reuters
«U nas niama i nie moža być nijakaj inšaj abjadnaŭčaj idei, akramia patryjatyzmu… Heta i jość nacyjanalnaja ideja», — skazaŭ kiraŭnik dziaržavy na sustrečy z aktyvam «Kłuba lidaraŭ pa prasoŭvańni inicyjatyŭ biznesu».
U pačatku studzienia stała viadoma, što rasiejskija ŭłady ŭ bližejšyja piać hadoŭ majuć namier vydatkavać bolš za 1,6 młrd rubloŭ na patryjatyčnaje vychavańnie nasielnictva.
Na hetyja mety ź dziaržbiudžetu budzie vydzielena 1,57 rubloŭ. Zhodna z pryniataj uradam prahramaj, ułady spadziajucca pryščapić nasielnictvu pačućcio viernaści ajčynie i hatoŭnaść abaraniać intaresy krainy.
U 2016 hodzie na finansavańnie prahramy budzie vydatkavana 290 młn rubloŭ ź biudžetu i jašče 15,5 młn z pazabiudžetnych fondaŭ.
Z 2001 pa 2015 hady rasiejskija ŭłady realizavali ŭžo try prahramy patryjatyčnaha vychavańnia nasielnictva.