U Rasii prapanavali zamiest Dnia surka adznačać Dzień Fiadota
Surok Fił z amierykanskaha horada Panksatoni vylez z nary i nie ŭbačyŭ svajho cieniu, što pa tradycyi pavinna aznačać prychod rańniaj viasny.
Zhodna z papularnaj u ZŠA prymietaj, kali 2 lutaha surok bačyć svoj cień i lezie spać nazad u norku, to buduć jašče šeść maroznych tydniaŭ. Ale kali dzień pachmurny, surok nie bačyć svajho cieniu i bolš nie ŭpadaje ŭ śpiačku, to viasna nastanie rana.
Adzin z deputataŭ rasijskaj Dziarždumy ŭ aŭtorak asudziŭ amierykanskuju tradycyju, prapanavaŭšy rasiejcam zamiest jaje źviarnuć uvahu na carkoŭnaje śviata — dzień Fiadota.
«U nas zanadta šmat stała zamiežnych śviataŭ. Chełoŭiny niejkija, Valanciny, Santa-Kłaŭs, surki… Takimi rečami sprabujuć pierafarmatavać našu śviadomaść», — skazaŭ namieśnik staršyni kamiteta Dziarždumy pa pryrodnych resursach, pryrodakarystańni i ekałohii Ivan Nikitčuk.
«Pahladzicie, jakija našy prodki śviaty ładzili, naprykład Dzień Fiadota. Davajcie svajo adradžać», — prapanavaŭ Nikitčuka.
U dzień Fiadota, 15 sakavika adznačajecca pamiać śviaščennamučanika Fieadota, biskupa Kiryniejskaha, jaki žyŭ u 4 stahodździ. Pavodle pavierja, u hety dzień pavinna adbyvacca rezkaje paciapleńnie. Kali hetaha nie adbyvałasia, kazali: «Pryjšoŭ Fiadot, dy nie toj» («Prišioł Fiedot, da nie tot»).