velcom zapuściŭ technałohiju UMTS-900
Mabilny apieratar velcom pieršym u Biełarusi zapuściŭ technałohiju pieradačy dadzienych UMTS-900, jakaja kardynalna pašyryć zonu pakryćcia i padvysić jakaść mabilnaha internetu pa ŭsioj krainie. Pieršyja bazavyja stancyi 3G u dyjapazonie 900 Mhc pačali pracavać u Dziaržynsku 1 lutaha, paviedamili ŭ pres-słužbie kampanii velcom.
«Ukaranieńnie technałohii UMTS-900 pačynajecca ŭ sietcy velcom ź nievialikaha horada, pakolki efiekt hetaha prahresiŭnaha farmatu suviazi budzie najbolš prykmietny mienavita ŭ rehijonach, asabliva ŭ pryharadach i sielskaj miascovaści», — paviedamili pradstaŭniki mabilnaha apieratara. Naprykład, usiaho piać bazavych stancyj, ustanoŭlenych u horadzie Dziaržynsku, pakryvajuć bolš za pałovu terytoryi Dziaržynskaha rajona — zvyš za 600 kv.km. Siarod važnych pieravah standartu taksama palepšany pryjom unutry pamiaškańniaŭ.
Uśled za Dziaržynskim novaja technałohija pryjdzie na bujnyja aŭtamahistrali Bresckaj i Homielskaj abłaściej i ŭ Minsk. Razam ź infrastrukturaj ŭ dyjapazonie 2100 MHc, jakaja isnavała raniej, płošča pakryćcia 3G-sietki velcom da kanca hoda vyraście bolš čym u dva razy — ź ciapierašnich 46,3% da rekordnych 97%.
«Pieravahi ad stvareńnia sietki ŭ dyjapazonie 900 Mhc stanuć prykmietnyja nie tolki najbolš aktyŭnym karystalnikam mabilnaha internetu, novyja mahčymaści adčujuć usie ŭładalniki smartfonaŭ, płanšetaŭ i noŭtbukaŭ z padtrymkaj standartu UMTS-900», — adznačyli ŭ velcom.
Dziakujučy bolšamu radyusu dziejańnia bazavych stancyj u standarcie UMTS-900 vysakachutkasny šyrokapałosny internet budzie dastupny amal na ŭsioj terytoryi Biełarusi, uklučajučy haradskija ŭskrainy i sielskuju miascovaść. Akramia taho, značna padvysicca jakaść pryjomu ŭnutry pamiaškańniaŭ, što asabliva aktualna ŭ miescach ščylnaj haradskoj zabudovy, na cokalnych pavierchach, u budynkach, raźmieščanych u nizinie, abo «zakrytych» ad bazavych stancyj inšymi budynkami.
Da momantu zapusku bazavych stancyj 3G u dyjapazonie 900 Mhc apieratar velcom pravioŭ u Dziaržynsku paśpiachovaje paŭhadavoje testavańnie novaj technałohii. Dazvoł na vykarystańnie śpiektru dla akazańnia pasłuh abanientam apieratar mabilnaj suviazi atrymaŭ ad Dziaržaŭnaj kamisii pa radyjočastotach ŭ kancy minułaha hoda.