Premjer Turcyi: Praces dałučeńnia krainy da Jeŭrasajuza paskorycca
Premjer-ministr Turcyi Achmiet Davutahłu pa vynikach samitu ES— Turcyja zajaviŭ, što jaho kraina i Jeŭrasajuz buduć pravodzić pa dva samity na hod, što paskoryć praces uvachodžańnia Turcyi ŭ ES, pieradajuć infarmacyjnyja ahienctvy.
«Vyznačany kalandar pa pytańni biaźvizavaha režymu ź ES. U sakaviku (2016) pieršy dakład, u červieni — ustupleńnie ŭ siłu pahadnieńnia ab viartańni mihrantaŭ, i ŭ kastryčniku — ustupleńnie ŭ siłu biaźvizavaha režymu. Dla hetaha jość što rabić i nam, i Jeŭrasajuzu», — zajaviŭ Davutahłu.
Jeŭrasajuz vydzialaje Turcyi €3 młrd na ŭładkavańnie pobytu ŭciekačoŭ ź Siryi.
«Našaj kančatkovaj metaj źjaŭlajecca vykaranieńnie handlu ludźmi i złačynstvaŭ u dačynieńni da ŭciekačoŭ, a taksama pamianšeńnie kolkaści mihrantaŭ, jakija nakiroŭvajucca ŭ Jeŭropu», — zajaviŭ Davutahłu.
Usiaho Turcyja pryniała kala 2 młn biežancaŭ.
Jeŭrasajuz hatovy da ŭviadzieńnia biaźvizavaha režymu z Turcyjaj i adnaŭleńnia pieramoŭ ab jaje ŭstupleńni ŭ ES u abmien na dapamohu Ankary spynić płyniu mihrantaŭ z musulmanskich krain.