Biełaruskija raspracoŭščyki stvaryli mabilnuju prahramu dla daktaroŭ
U Biełarusi raspracavali mabilnuju prahramu da pratakołaŭ i ałharytmaŭ viadzieńnia pacyjentaŭ z reśpiratornymi zachvorvańniami dla daktaroŭ pieršasnaj achovy zdaroŭja. Pra heta paviedamiła žurnalistam namieśnik načalnika hałoŭnaha ŭpraŭleńnia arhanizacyi miedycynskaj dapamohi Ministerstva achovy zdaroŭja Biełarusi Ludmiła Žylevič.
«U nas raspracavany dapamožnik pa praktyčnaj achovie zdaroŭja lohkich dla daktaroŭ ahulnaj praktyki i ŭčastkovych terapieŭtaŭ. Pakolki dapamožnik staŭ vielmi zapatrabavanym u praktycy, była raspracavana jaho elektronnaja viersija dla smartfonaŭ, dzie prapisana, jakija lekavyja srodki, u tym liku antybijotyki, najbolš racyjanalna naznačyć u danym kankretnym vypadku», — skazała Ludmiła Žylevič. Pradukt źjaŭlajecca piłotnym i budzie biaspłatna pradastaŭleny praktykujučym daktaram u pačatku 2016 hoda. Dadatak padrychtavany z udziełam SAAZ.
«Takaja viersija ŭ elektronnym vyhladzie dazvolić našym daktaram mieć mahčymaść apieratyŭna, kala paścieli chvoraha atrymać nieabchodnuju infarmacyju pa aptymalnym vybary lakarstvaŭ dla kožnaha kankretnaha pacyjenta», — skazała Ludmiła Žylevič. U hetaj viersii zakładziena prahrama elektronnaha recepta, što daść mahčymaść instalavać jaho ŭ ambułatornuju kartu pacyjenta i razdrukavać.
Taksama ciapier farmirujecca elektronnaja ambułatornaja karta pacyjenta. U jaje buduć unosicca źviestki ab usich preparatach, jakija prymaje pacyjent. Asablivaja rola budzie adviedziena antybijotykam. Dapuścim, pacyjent niekalki razoŭ biespaśpiachova prymaŭ peŭnyja antybijotyki. Kali pacyjent pryjdzie na pryjom čarhovy raz, doktar heta ŭbačyć i zrobić vysnovu mahčymuju nieadčuvalnaść da takich lekaŭ i zmoža vybrać inšaje.
