Pavodle ŭdakładnienych dadzienych, hramadzianie Biełarusi ŭ Paryžy nie paciarpieli
Pavodle ŭdakładnienaj infarmacyi, biełaruskija hramadzianie ŭ vyniku načnoj terarystyčnaj ataki na Paryž nie paciarpieli, paviedamiŭ MZS sa spasyłkaj na francuzskich kaleh.
Raniej źjaviłasia infarmacyja ab adnym paciarpiełym hramadzianinie Biełarusi, jakomu akazvajecca dapamoha.
Pavodle apošnich dadzienych, u vyniku sieryi teraktaŭ u francuzskaj stalicy zahinuła 128 čałaviek. Jašče 237 špitalizavana, 80 ź ich u krytyčnym stanie.
Telefon dla ekstrannaj suviazi z pasolstvam ŭ Francyi: +33609784140. Telefanavać mohuć tolki hramadzianie, rodnyja jakich znachodziacca ŭ Paryžy i nie vychodziać na suviaź. Telefon haračaj linii prefiektury Paryža dla turystaŭ +33(0)145558000.
MZS «rekamienduje hramadzianam našaj krainy, jakija znachodziacca ŭ Francyi, vykonvać ukazańni ŭładaŭ i vyjści na suviaź z rodnymi i blizkimi ŭ Biełarusi». Ambasada ŭ Paryžy praciahvaje adsočvać situacyju.