Łukašenka raspavioŭ, jak budzie farmiravać novy ŭrad
Alaksandr Łukašenka nie maje namieru farmalna, aŭtamatam padpisvać ŭkazy ab pryznačeńni členaŭ urada.
Ab hetym kiraŭnik dziaržavy zajaviŭ siońnia na naradzie pa pytańniach raźvićcia dziaržaŭnych orhanaŭ sistemy harantavańnia nacyjanalnaj biaśpieki.
Na hety momant u suviazi ź minułymi prezidenckimi vybarami ŭrad znachodzicca ŭ adstaŭcy. Kiraŭnik dziaržavy pavinien pravieści nieabchodnyja kadravyja pryznačeńni. Alaksandr Łukašenka nahadaŭ ab svaim patrabavańni — usie achvotnyja pracavać va ŭradzie pavinny dakazać svaju adpaviednaść.
Faktyčna skład urada byŭ prapanavany jašče da vybaraŭ, kab vybarščyki viedali, z kim źbirajecca pracavać dziejučy kiraŭnik dziaržavy ŭ vypadku pieramohi.
«Ale tym nie mienš ja nie chacieŭ by farmalna, aŭtamatam padpisvać ŭkazy ab pryznačeńni», — skazaŭ Alaksandr Łukašenka. Kožny kiraŭnik pavinien pradstavić svajo bačańnie raźvićcia padviedamasnaj struktury.
Prapanoŭvacca mohuć jak varyjanty hłybokaha refarmavańnia až da złomu asobnych aśpiektaŭ (Kiraŭnik dziaržavy hetaha absalutna nie vyklučaŭ i nie vyklučaje), tak i spakojnaha ŭdaskanaleńnia. «Pakolki my ŭžo dastatkova hłybinnyja reformy praviali da ciapierašniaha času», - adznačyŭ Alaksandr Łukašenka.
Kiraŭniki orhanaŭ sistemy nacyjanalnaj biaśpieki vykładuć płany raźvićcia svaich viedamstvaŭ na siońniašniaj naradzie. Jak paviedamlałasia, pa jaho vynikach treba budzie dakładna vyznačycca ź pierśpiektyvami pravaachoŭnaj sistemy krainy.
