Abama zabłakavaŭ prajekt budaŭnictva naftapravoda z Kanady ŭ ZŠA
Prezident ZŠA Barak Abama admoviŭsia ad prajektu budaŭnictva naftapravoda Keystone pamiž Kanadaj i ZŠA.
Pa słovach Abamy, budaŭnictva naftapravoda nie adkazvaje nacyjanalnym intaresam ZŠA i idzie nasupierak imknieńniam Vašynhtona praduchilić niehatyŭnyja nastupstvy hłabalnaha paciapleńnia.
Prajekt Keystone mierkavaŭ budaŭnictva naftapravoda z kanadskaj pravincyi Albierta praz usiu terytoryju ZŠA da ŭźbiarežža Mieksikanskaha zaliva.
Adnak praciahłaść naftapravoda i abjom pampavanaj nafty — bolš za 800 tysiač barelaŭ u dzień — zrabili prajekt pradmietam sprečak. Ekołahi zajaŭlajuć, što jaho budaŭnictva akaža niehatyŭny ŭpłyŭ na navakolnaje asiarodździe ŭ šerahu amierykanskich štataŭ.
Raniej na hetym tydni kampanija TransCanada, jakaja viadzie budaŭnictva naftapravoda, prypyniła pracy. U zajavie kampanii havaryłasia, što paŭza była abumoŭlenaja nieabchodnaściu praviadzieńnia pieramovaŭ z uładami Niebraski z nahody prakładki naftapravoda pa terytoryi štata.
Džeb Buš, adzin z pretendentaŭ na vyłučeńnie ŭ prezidenty ZŠA ad Respublikanskaj partyi, nazvaŭ rašeńnie Abamy atakaj na amierykanskuju ekanomiku.
