Były ministr adukacyi Hruzii ŭznačaliła ŭkrainskuju palicyju
Byłaja ministr adukacyi Hruzii va ŭradzie Michaiła Saakašvili Chacija Dekanaidze ŭznačaliła ŭkrainskuju palicyju. Adpaviednuju prapanovu kiraŭnika MUS Arsiena Avakava ŭrad krainy ŭchvaliŭ u sieradu ŭviečary.
«Bieskampramisnyja reformy z Chacijej na pasadzie kiraŭnika palicyi i ŭsioj našaj kamandaj pa miescach buduć praciahvacca intensiŭna!», — napisaŭ Avakaŭ u fejsbuku, kamientujučy pryznačeńnie.
U svaim vystupie adrazu paśla pryznačeńnia Dekanaidze taksama vykazała žadańnie praciahvać reformu MUS.
U składzie abnoŭlenaj Nacyjanalnaj palicyi Ukrainy, akramia patrulnaj słužby, buduć funkcyjanavać padraździaleńni kryminalnaj i śpiecyjalnaj palicyi, palicyja achovy i palicyja asablivaha pryznačeńnia.
«Za vosiem miesiacaŭ pracesu refarmavańnia dasiahnuta niamała. My stvaryli patrulnuju palicyju. Užo pracujem nad stvareńniem novaj słužby «kord». Zaraz u MUS raspracoŭvajecca kancepcyja atestacyi supracoŭnikaŭ, jakija buduć słužyć u Nacyjanalnaj palicyi, kab u novy orhan patrapili sumlennyja i prystojnyja ludzi», — raspaviała Chacija Dekanaidze.
Chacija Dekanaidze — vypusknica fakulteta mižnarodnych adnosin i prava Tbiliskaha dziaržaŭnaha ŭniviersiteta. U 24 hady jana pačała pracavać u kamandzie prezidenta Hruzii Michaiła Saakašvili i ŭznačaliła administracyju Rady biaśpieki Hruzii. U 31 hod jana stała pieršym rektaram Akademii palicyi MUS Hruzii.
Praz čatyry hady, u 2012-m, jana ŭznačaliła nacyjanalny ekzamienacyjny centr hruzinskaha ministerstva adukacyi. Choć na hetaj pasadzie jana prapracavała tolki 4 miesiacy, u presie jaje imia zhadvajecca mienavita, jak eks-kiraŭnika hruzinskaha Minadukacyi, udakładniaje 24tv.ua.
