Źjaviŭsia fejkavy sajt rehistracyi ankiet u polskim konsulstvie
U internecie na biełaruskim damienie źjaviŭsia fejkavy sajt z rehistracyjaj ankiet u polskim konsulstvie. Jon maje vielmi padobny adras da aficyjnaha sajta e-konsulat.gov.pl, na jakim možna zarehistravać ankietu dla atrymańnia vizy.
«Ambasada Polščy ŭ Biełarusi zaścierahaje ab niebiaśpiecy vykarystańnia falšyvaj sistemy rehistracyi vizavych ankiet, jaki imituje aficyjnuju sistemu rehistracyi vizavych ankiet, jakuju vykarystoŭvajuć dypłamatyčnyja pradstaŭnictva ŭ Biełarusi», - havorycca ŭ paviedamleńni pasolstva.
Da taho ž ambasada zajaviła, što nie maje nijakaha dačynieńnia da nieaficyjnych form rehistracyi ankiet i nie niasie za ich vykarystańnie adkaznaść.
Biełaruski fejk sajta e-konsulat.gov.pl akazvajecca formaj dla zajaŭki na afarmleńnie vizy. Paśla ŭviadzieńnia dadzienych (imia, numar telefona i pošta) na mabilny vielmi chutka pieratelefanoŭvaje małady čałaviek. Kali ŭ pašparcie ŭžo byli vizy, to za 980 tysiač i 60 jeŭra prapanujuć hadavy polski šenhien. Kali pašpart pusty - za 600 tysiač i 60 jeŭra abiacajuć zrabić trochrazovuju francuzskuju vizu, a paśla jaje zakančeńnia hadavuju polskuju.
Jak daviedałasia Jeŭraradyjo, sajt zarehistravany na fizičnuju asobu, jakaja, zhodna ź biełaruskim zakanadaŭstvam nie moža pradastaŭlać pasłuhi na sajcie. Z hetaj nahody polskaja ambasada ŭžo dasłała notu ŭ biełaruskaje Ministerstva zamiežnych spraŭ.
Praŭda, padobnyja pasłuhi prapanoŭvajuć vielmi daŭno. «Chakiery», ź jakimi dahetul nichto nie moža spravicca, za hrošy rehistrujuć ankiety ŭ polskim konsulstvie z dapamohaj śpiecyjalnych prahram. Zvyčajnamu karystalniku prabicca ŭ dzień rehistracyi ankiet davoli ciažka, bo z-za atak «chakieraŭ» jon amal niedasiažny. Tamu ludzi karystajucca pasłuhami rehistracyi za hrošy.