«Cmoki-Minsk» admovilisia ad ruskamoŭnaj viersii aficyjnaha sajta
Aficyjny sajt baskietbolnaha kłuba «Cmoki-Minsk» admoviŭsia ad ruskamoŭnaj viersii.
Adnak na sajcie niekatoryja materyjały pa-raniejšamu zastajucca na ruskaj movie.
«My stavim pieradruki z hipierspasyłkami na aryhinalnuju krynicu z zachavańniem movy, zrazumieła, tak patrabujuć pravy kapirajtynhu, i my padkreślivajem, što heta nie naš materyjał.
My ničoha nikomu nie zabaraniajem, jość anhłamoŭnaja viersija, kali zaŭhodna. My idziom rehłamientam adzinaj lihi VTB i FIBA.
Čamu «Krasnyj Oktiabŕ» pieraviali nie jak «Čyrvony Kastryčnik», a jak «Krasny Akciabr»? Vy nie pavierycie, ale pierš čym vynosić taki pierakład, my kansultavalisia i ŭ instytucie biełaruskaj movy, i na kafiedry biełarusistyki ŭ BDU, i dla daviedki i ačystki sumleńnia navat piedunivier zadziejničali. Dyk voś, brendy nie pierakładajucca pry adaptacyi, a zastajecca kalkavany varyjant. Heta aficyjnaja norma, prapisanaja ŭ narmatyŭnych dakumientach. I mnie vielmi škada, što vy vykatvajecie pretenzii, sami papiarednie nie ŭdakładniŭšy niuansy pytańnia», — paviedamlaje pres-ataše kłuba Dźmitryj Hierčykaŭ.
Na dadzieny momant pradstaŭlenyja biełaruskaja i anhłamoŭnaja viersii aficyjnaha sajta «Cmoki-Minsk».
