Japoncy stvaryli preparat, jaki lečyć ad hrypu za adzin dzień
Užo u 2018 hodzie ŭ prodažy mohuć źjavicca japonskija leki, zdolnyja vylečyć čałavieka ad hrypu ŭsiaho za adzin dzień.
Novy preparat, u adroźnieńnie ad isnujučych lekaŭ, praduchilaje raspaŭsiudžvańnie virusa hrypu i zabivaje jaho, pieraškadžajučy pastupleńnia da virusu fiermientaŭ, nieabchodnych dla jaho razmnažeńnia. Mienavita tamu dla poŭnaha adnaŭleńnia dastatkova ŭsiaho tolki adnaho dnia ŭžyvańnia preparata.
Preparat užo paśpiachova prajšoŭ pieršyja kliničnyja vyprabavańni ŭ Japonii, pakazaŭšy svaju efiektyŭnaść. Druhi etap testavańnia pačniecca ŭ listapadzie - z pavieličeńniem kolkaści chvorych na hryp. Padčas hetaha etapu leki buduć aprabavanyja na niekalkich sotniach čałaviek.
U vypadku kančatkovaha paćvierdžańnia efiektyŭnaści i biaśpieki preparata Ministerstva achovy zdaroŭja Japonii ličyć mahčymym pačatak jaho prodažaŭ ŭžo ŭ 2018 hodzie.
