Naziralnik u Baranavičach pakazaŭ pierapisany pratakoł, u Karatkievič zabrali bolš za pałovu hałasoŭ FOTY
Vidavočcy pierakananyja, što na ŭčastku №36 u Baranavičach adbyłasia falsifikacyja.
Na pratakole paśla padliku hałasoŭ byli zapisanyja adny ličby, a ŭ «tym ža» pratakole ŭ terytaryjalnaj kamisii — zusim inšyja.
Karespandent miascovaj haziety ŭ Baranavičach Makar Malinoŭski prysutničaŭ na padliku hałasoŭ na vybarčym ŭčastku №36, što ŭ Pałacy dziciačaj tvorčaści.
Byli ahučanyja nastupnyja vyniki hałasavańnia: Taćcianu Karatkievič padtrymali 230 z 1347 vybarcaŭ (17,1%), a Alaksandra Łukašenku — 1014 z 1347 (75,3%).
Niezaležnyja naziralniki Siarhiej Marcinkievič i Halina Jaraševič sfatahrafavali pratakoł.
Makar Malinoŭski
Praź dzień paśla vybaraŭ karespandent zavitaŭ da staršyni terytaryjalnaj vybarčaj kamisii Tamary Šukała i paprasiŭ aznajomicca z pratakołami ŭčastkaŭ. Staršynia pakazała ŭsie 68 pratakołaŭ. Karespandent znoŭ ledź zmoh strymać svajo ździŭleńnie: na pratakole ŭčastka №36 byli zusim inšyja ličby.
Jaŭka «vyrasła» na 118 čałaviek. Kolkaść hałasoŭ za Karatkievič źmienšyłasia na 130, joj pakinuli mienš za 7%. A voś padtrymka Łukašenki vyrasła na 269 hałasoŭ. Ciapier u jaho stała 88%.
Makar Malinoŭski
Pavodle Kryminalnaha kodeksu Biełarusi, zaviedama niapravilny padlik hałasoŭ ci inšaje skažeńnie vynikaŭ hałasavańnia moža karacca pazbaŭleńniem svabody da piaci hadoŭ.