Kampanija «Kinderfoch» prezientavała «Kazki Biełarusi» dla iPhone i iPad
Dadatak dla mabilnych telefonaŭ «Kazki Biełarusi» dla dziaciej i darosłych u minskaj halerei «Ŭ» prezientavała kampanija «Kinderfoch». Heta 93 kazki, jakija pa-biełarusku ahučyŭ lidar hurtu «Pałac» Aleh Chamienka.
Aŭtary prajekta: Leanid Kalicienia, Andrej Załatar, Aleh Chamienka
Aŭdyjoviersija prajekta supravadžajecca ilustracyjami ŭ nacyjanalnaj tradycyi, mastački Juli Rudnickaj. Jak paviedamlajuć raspracoŭniki, mabilnyja «Kazki Biełarusi» dastupnyja dla spampoŭvańnia za nievialikuju płatu.
«Usie kazki padzielenyja na piać raździełaŭ: kazki dla dziaciej, kazki pra žyćcio, kazki pra žyviołaŭ, kazki dla darosłych i čaroŭnyja kazki. Upeŭnienyja, što kožny zmoža znajści kazku, adpaviednuju jahonamu nastroju i śvietapohladu», — kaža pradziusar mabilnaha dadatku Andrej Załatar.
Lider etna-hurtu «Pałac», źbiralnik i vykanaŭca biełaruskich narodnych kazak Aleh Chamienka hetak patłumačyŭ svoj udzieł u prajekcie:
«Ja nie prosta muzyka, a muzyka, jaki pa žyćci źviazany z falkłoram. Bo dla taho, kab hrać nacyjanalnuju muzyku, treba było adšturchnucca ad falkłoru. Voś hetaje žadańnie jašče raz pieraasensavać naš falkłor było vielmi važnym, i kazki tut hrajuć značnuju rolu. U ich možna znajści novyja vobrazy, novyja siužety — i heta taja našaja spadčyna, jakaja jość skarbam, jaki ciažka skraści».
Karystalnikam mabilnych telefonaŭ kampanija «Kinderfoch» viadomaja takimi prajektami, jak «Biełaruskaja azbuka dla iPad», «Prostaja navuka», «Panda WWF» i inšymi.