Gallup: Biełarusy siarod najmienš emacyjnych narodaŭ śvietu
Biełaruś padzialiła z Sudanam piataje miesca siarod krainaŭ śvietu z najmienš emacyjnymi žycharami, pavodle daśledavańnia amerykanskaj kampanii Gallup.
Letaś daśledčyki paprasili ludziej u 148 krainach adkazać ci adčuvali jany za papiaredni dzień piać stanoŭčych i piać admoŭnych emocyj.
Piać niehatyŭnych pieražyvańniaŭ — hnieŭ, stres, smutak, fizičny bol i tryvoha. Piać stanoŭčych — adčuvańnie, što ty dobra adpačyŭ/adpačyła, što da ciabie staviacca z pavahaj, radaść, šmat uśmiešak i śmiechu, a taksama adčuvańnie, što ty vyvučaješ ci robiš niešta cikavaje.
Najbolš i najmienš emacyjnyja krainy zasnavanyja na rejtynhach siarednich «tak» adkazaŭ na ŭsie pytańni.
Mienš emacyjnymi za biełarusaŭ apynulisia tolki žychary Azierbajdžana, Banhładeša, Hruzii i Manholii.
U dziasiatcy najbolš emacyjnych — pieravažna krainy Łacinskaj Amieryki.
