U Biełarusi ŭviedzienaja sanitarna-hihijeničnaja ekśpiertyza pradukcyi zamiežnaj vytvorčaści
U Biełarusi ŭviedziena dziaržaŭnaja sanitarna-hihijeničnaja ekśpiertyza pradukcyi zamiežnaj vytvorčaści z vydačaj sanitarna-hihijeničnaha zaklučeńnia. Vyklučeńnie składaje pradukcyja, jakaja padlahaje dziaržaŭnaj rehistracyi. Heta praduhledžana pastanovaj Savieta Ministraŭ numar 666 ad 6 žniŭnia 2015 hoda, jakaja siońnia ŭstupaje ŭ siłu.
Dakumientam unosiacca dapaŭnieńni ŭ adziny pieralik administracyjnych pracedur, jakija ažyćciaŭlajucca dziaržaŭnymi orhanami i inšymi arhanizacyjami ŭ adnosinach da jurydyčnych asob i indyvidualnych pradprymalnikaŭ, zaćvierdžany pastanovaj Saŭmina numar 156 ad 17 lutaha 2012 hoda.
Sanitarna-hihijeničnaja ekśpiertyza pradukcyi zamiežnaj vytvorčaści ŭvodzicca ŭ metach zabieśpiačeńnia sanitarna-epidemijałahičnaj stabilnaści i praduchileńnia pastupleńnia na terytoryju Biełarusi niebiaśpiečnaj pradukcyi impartnaj vytvorčaści.
Pastanova, u pryvatnaści, źmiaščaje pieralik dakumientaŭ, što pradstaŭlajucca dla dziaržaŭnaj sanitarna-hihijeničnaj ekśpiertyzy pradukcyi zamiežnaj vytvorčaści. Jak rastłumačyli ŭ Respublikanskim centry hihijeny, epidemijałohii i hramadskaha zdaroŭja, dla hetych met prymajucca pratakoły łabaratornych daśledavańniaŭ (vyprabavańniaŭ), vykananyja łabaratoryjami, akredytavanymi ŭ Nacyjanalnaj sistemie akredytacyi Biełarusi, u tym liku praviedzienych da momantu ŭstupleńnia ŭ siłu pastanovy numar 666 (pry ŭmovie adpaviednaści abjomu daśledavańniaŭ i pakazčykaŭ biaśpieki patrabavańniam zakanadaŭstva ŭ halinie sanitarna-epidemijałahičnaj stabilnaści). Pry hetym termin dziejańnia pratakoła, što pradstaŭlajecca dla met sanitarna-hihijeničnaj ekśpiertyzy, nie pavinien pieravyšać adnaho hoda z momantu jaho afarmleńnia.
Pratakoły daśledavańniaŭ (vyprabavańniaŭ) na praciahu adnaho hoda z momantu ich afarmleńnia mohuć być vykarystany pry vydačy sanitarna-hihijeničnych zaklučeńniaŭ na nastupnyja partyi ŭvozimaj hetym subjektam haspadarańnia pradukcyi va ŭstanovie, što vydała pieršasnaje zaklučeńnie. Pry hetym nieabchodnaj umovaj źjaŭlajecca adsutnaść źmianieńniaŭ sastavu pradukcyi, što ŭpłyvaje na jaje hihijeničnuju biaśpieku, a taksama źmianieńniaŭ hihijeničnych patrabavańniaŭ da pradukcyi ŭ techničnych narmatyŭnych pravavych aktach.
Na kožnuju nastupnuju partyju ŭvozimaj hetym subjektam charčovaj pradukcyi, dziciačych cacak, kaśmietyčnaj pradukcyi dadatkova pradastaŭlajucca pratakoły daśledavańniaŭ (vyprabavańniaŭ) pa skaročanaj namienkłatury pakazčykaŭ (paramietraŭ) hihijeničnaj biaśpieki z ulikam vidu i sastavu pradukcyi, śfiery prymianieńnia, pryznačeńnia.
Z momantu atrymańnia infarmacyi ad kantralujučych orhanaŭ abo ŭstanaŭleńnia ŭ chodzie dziaržaŭnaha sanitarnaha nahladu fakta nieadpaviednaści pradukcyi patrabavańniam zakanadaŭstva ŭ halinie sanitarna-epidemijałahičnaj stabilnaści dla met dziaržaŭnaj sanitarna-hihijeničnaj ekśpiertyzy pradstaŭlajucca pratakoły vyprabavańniaŭ kožnaj uvozimaj partyi hetaj pradukcyi ŭ poŭnym abjomie.
U ramkach administracyjnaj pracedury taksama vyznačany pieralik upaŭnavažanych orhanaŭ, ustanoŭleny terminy dziejańnia sanitarna-hihijeničnaha zaklučeńnia i pamier spahaniajemaj płaty. Heta administracyjnaja pracedura budzie akazvacca 36 ustanovami, što ažyćciaŭlajuć dziaržaŭny sanitarny nahlad va ŭstanoŭlenym zakanadaŭstvam paradku. Pa pytańniach paradku i ŭmoŭ praviadzieńnia dziaržaŭnaj sanitarna-hihijeničnaj ekśpiertyzy pradukcyi možna źviartacca ŭ Respublikanski centr hihijeny, epidemijałohii i hramadskaha zdaroŭja.
