Sindza Abe vybačyŭsia za dziejańni Japonii ŭ Druhoj suśvietnaj
Japonski premjer-ministr Sindza Abe ŭ svajoj pramovie z nahody 70-hodździa kapitulacyi jaho krainy ŭ Druhoj suśvietnaj vajnie pryznaŭ, što Japonija pryniesła «biaźmiernuju škodu i pakuty» niavinnym ludziam.
U toj ža čas jon adznačyŭ, što pakaleńni ludziej, jakija nie prymali ŭdziełu ŭ kanflikcie, nie pavinny być abciažaranyja pastajannymi vybačeńniami.
Pavodle jaho słoŭ, Japonija pavinna być upeŭnienaj, što taki kanflikt nikoli bolš nie paŭtorycca.
Asobna Abe zajaviŭ ab ščyrym raskajańni pierad žančynami, hodnaść jakich była źniavažana ŭ čas vajny.
Pa niekatorych acenak, u publičnych damach, stvoranych dla japonskich sałdat, akazałasia suprać svajoj voli kala 200 tysiač žančyn, u asnoŭnym z Karei i Kitaja, a taksama ź Filipin, Indaniezii i Tajvania.
