U Biełarusi namałočana amal 7 młn t zbožža
Biełaruskija ahraryi namałacili amal 7 młn t zbožža. Ab hetym śviedčać apieratyŭnyja źviestki Ministerstva sielskaj haspadarki i charčavańnia.
Tak, pa stanie na ranicu 13 žniŭnia ŭ zasieki zasypana 6 młn 964 tys. t zbožža. Usiaho ž, pavodle słoŭ ministra sielskaj haspadarki i charčavańnia Leanida Zajca, u hetym hodzie biełaruskija ahraryi płanujuć sabrać nie mienš jak 8,7-8,8 młn t zbožža ŭ śvirnavaj vazie.
U razrezie rehijonaŭ na siońnia 1 młn 710 tys. t namałacili ahraryi Minskaj vobłaści, 1 młn 320 tys. t ubrana z paloŭ Bresckaj vobłaści, krychu mienš - 1 młn 293 tys. t - namałacili ŭ Hrodzienskaj vobłaści. Blizkija da miljonnaha rubiažu Mahiloŭskaja i Homielskaja vobłaści, dzie na siońnia namałot składaje 940,5 tys. t i 937 tys. t adpaviedna. U Viciebskaj vobłaści namałočana 763 tys. t zbožža.
U cełym pa krainie zbožžavyja i zierniebabovyja ŭbrany ŭžo z 84% płoščy.
